ప్యాక్ చేసిన ఆహార పదార్థాల లేబుళ్లు, బ్రాండ్ పేర్లు, ఉత్పత్తులపై ఇచ్చే క్లెయిమ్లలో వినియోగదారులను తప్పుదోవ పట్టించేలా ప్రకటనలు ఇచ్చిన ఆరోపణలపై ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) కఠిన చర్యలు తీసుకుంది. దేశంలోని 8 ప్రముఖ ఆహార కంపెనీలకు నోటీసులు జారీ చేసింది.
ఫుడ్ సేఫ్టీ అండ్ స్టాండర్డ్స్ చట్టం, 2006 నిబంధనలను ఉల్లంఘించినందుకే ఈ చర్యలు తీసుకున్నట్లు ఎఫ్ఎస్ఎస్ఏఐ స్పష్టం చేసింది. వినియోగదారులను ఆకర్షించే పేర్లు, ఆరోగ్యానికి సంబంధించిన తప్పుడు క్లెయిమ్లతో మార్కెటింగ్ చేయడం వల్ల ప్రజలు తప్పుదోవ పట్టే అవకాశం ఉందని నియంత్రణ సంస్థ పేర్కొంది.
ఎఫ్ఎస్ఎస్ఏఐ నోటీసులు అందుకున్న కంపెనీల్లో ఇమామీ హెల్దీ అండ్ టేస్టీ, హెల్త్ ఎయిడ్, ట్రూవీ, ది హెల్దీ ఫ్యాక్టరీ, హెల్దీ మాస్టర్, హెల్దీ ఛాయిస్, ప్లాన్ బీ, న్యూహెర్బ్స్ ఉన్నాయి. ఈ బ్రాండ్లు తమ ఉత్పత్తులపై వినియోగదారులను ఆకర్షించేందుకు “హెల్దీ”, “నేచురల్”, “విటమిన్ రిచ్” వంటి ట్యాగ్లను ఉపయోగిస్తూ తప్పుడు లేదా మభ్యపెట్టే ప్రకటనలు ఇచ్చినట్లు ఆరోపణలు ఉన్నాయి.
ఇమామీ గ్రూప్కు చెందిన ఇమామీ హెల్దీ అండ్ టేస్టీ బ్రాండ్ విషయంలో ట్రేడ్ నేమ్ కూడా వినియోగదారులను తప్పుదోవ పట్టించేలా ఉందని ఎఫ్ఎస్ఎస్ఏఐ పేర్కొంది. ఉత్పత్తి పేరే ఆరోగ్యకరమైనదిగా భావించేలా ఉండటం నిబంధనలకు విరుద్ధమని అభిప్రాయపడింది.
ప్లాన్ బీ సంస్థ ‘ప్లాంట్ బేస్డ్ వేగన్’ పేరుతో ఉత్పత్తులను మార్కెట్ చేయడం ద్వారా వినియోగదారులను మభ్యపెడుతున్నట్లు ఆరోపణలు వచ్చాయి. అలాగే హెల్త్ ఫ్యాక్టరీ సంస్థ ‘జీరో మైదా హోల్ వీట్ బ్రెడ్’ అనే క్లెయిమ్తో ఉత్పత్తిని విక్రయించడం, న్యూహెర్బ్స్ సంస్థ ‘ట్రూ విటమిన్’ ట్యాగ్లతో తప్పుడు ఆరోగ్య ప్రకటనలు చేయడం వంటి అంశాలపై నోటీసులు జారీ చేశారు.
ప్రస్తుతం ఈ కంపెనీల నుంచి వివరణ కోరిన ఎఫ్ఎస్ఎస్ఏఐ, అవసరమైతే మరింత కఠిన చర్యలు తీసుకునే అవకాశం ఉందని అధికారులు సంకేతాలు ఇచ్చారు. వినియోగదారులు కూడా ఇలాంటి ఆరోగ్య క్లెయిమ్లను గుడ్డిగా నమ్మవద్దని, లేబుళ్లను జాగ్రత్తగా పరిశీలించాలని సూచించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
