నాగర్కర్నూల్ జిల్లా వెల్దండ మండలం పోతేపల్లి గ్రామంలో తీవ్ర విషాద ఘటన చోటుచేసుకుంది. అభం.. శుభం తెలియని ఇద్దరు చిన్నారులతో పాటు తల్లి మృతి చెందడం గ్రామంలో విషాదాన్ని నింపింది. కుటుంబ కలహాల నేపథ్యంలో మనస్తాపానికి గురైన మహిళ ఈ ఘటనకు పాల్పడినట్లు పోలీసులు అనుమానిస్తున్నారు.
గ్రామస్థులు, పోలీసులు తెలిపిన వివరాల ప్రకారం.. పదర మండల కేంద్రానికి చెందిన శిరీష (23)కు పోతేపల్లికి చెందిన ఎనుముల మహేశ్తో 2023 మే 14న వివాహం జరిగింది. వీరికి కుమార్తె మానశ్రీ (3), కుమారుడు వర్షత్ (4 నెలలు) ఉన్నారు.
కొంతకాలంగా కుటుంబంలో గొడవలు జరుగుతున్నాయని, ఈ క్రమంలో శిరీష తీవ్ర మనస్తాపానికి గురైనట్లు తెలుస్తోంది. శుక్రవారం భర్త మహేశ్, అత్త వెంకటమ్మ, మామ వెంకటయ్య పొలానికి వెళ్లి తిరిగి ఇంటికి వచ్చే సరికి ఇంటి తలుపులు తెరిచి ఉండటం, ఇంట్లో ఎవరూ కనిపించకపోవడంతో అనుమానం వచ్చింది.
వెంటనే చుట్టుపక్కల ప్రాంతాల్లో వెతకగా ఇంటి సమీపంలోని సంపులో శిరీషతో పాటు ఇద్దరు చిన్నారుల మృతదేహాలు కనిపించాయి. కుటుంబ సభ్యులు, స్థానికుల సహాయంతో మృతదేహాలను బయటకు తీశారు. సమాచారం అందుకున్న వెల్దండ పోలీసులు ఘటనా స్థలానికి చేరుకుని పరిశీలించారు.
పోలీసులు సంఘటనపై వివరాలు సేకరించి, మృతదేహాలను పోస్టుమార్టం నిమిత్తం కల్వకుర్తి ప్రభుత్వ ఆసుపత్రికి తరలించారు. ఘటనకు గల కారణాలపై దర్యాప్తు కొనసాగిస్తున్నారు. సంపులోని నీటి నమూనాలను కూడా పోలీసులు సేకరించారు.
ఈ ఘటనతో పోతేపల్లి గ్రామంలో విషాద ఛాయలు అలుముకున్నాయి. చిన్నారుల మృతితో స్థానికులు కన్నీరుమున్నీరవుతున్నారు. కుటుంబ సమస్యలు, మానసిక ఒత్తిడి వంటి అంశాలపై పోలీసులు అన్ని కోణాల్లో విచారణ చేపట్టారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
