తెలంగాణ పేరుతో కొత్త పార్టీ.. కవిత ఎన్నికల బరిలోకి

హైదరాబాద్‌లో మీడియాతో మాట్లాడిన Kalvakuntla Kavitha, రాష్ట్ర ప్రజల ఆకాంక్షలను ప్రతిబింబించేలా కొత్త పార్టీ రూపకల్పన జరుగుతోందని తెలిపారు. పార్టీ నిర్మాణానికి ఇప్పటికే మేధావులు, యువత, మహిళా సంఘాలు, సామాజిక వర్గాల ప్రతినిధులతో సంప్రదింపులు ప్రారంభించామని చెప్పారు.పార్టీ సిద్ధాంతాలు తెలంగాణ ఆత్మగౌరవం, సామాజిక న్యాయం, మహిళా శక్తి, రైతు సంక్షేమం, యువత ఉపాధి అవకాశాలపై ఆధారపడి ఉంటాయని వెల్లడించారు. గ్రామ స్థాయి నుంచి రాష్ట్ర స్థాయి వరకు బలమైన కమిటీలు ఏర్పాటు చేసి పార్టీని ప్రజల్లోకి తీసుకెళ్తామని స్పష్టం చేశారు.

‘‘తెలంగాణ సాధన కోసం ప్రజలు చేసిన త్యాగాలు వృథా కాకూడదు. రాష్ట్ర అభివృద్ధి ఫలాలు ప్రతి కుటుంబానికి చేరాలి’’ అని కవిత పేర్కొన్నారు. మహిళలకు రాజకీయాల్లో మరింత ప్రాధాన్యం కల్పించడం, యువతకు నిర్ణయాత్మక పాత్ర ఇవ్వడం తమ లక్ష్యమని చెప్పారు.

మే నెలలో జరిగే పార్టీ ఆవిష్కరణ కార్యక్రమాన్ని భారీ స్థాయిలో నిర్వహించేందుకు ప్రణాళికలు సిద్ధం చేస్తున్నట్లు తెలిపారు. రాష్ట్రవ్యాప్తంగా కార్యకర్తల సమావేశాలు, ప్రజా చైతన్య యాత్రలు నిర్వహించి పార్టీ సిద్ధాంతాలను ప్రజలకు వివరించనున్నట్లు వెల్లడించారు.రాబోయే ఎన్నికల్లో సిద్దిపేటను తొలి ప్రాధాన్యంగా తీసుకుంటున్నప్పటికీ, తుది నిర్ణయం స్థానిక నాయకులు, కార్యకర్తల అభిప్రాయాలను పరిగణలోకి తీసుకుని ప్రకటిస్తామని చెప్పారు..