శ్రీశైలం శ్రీ భ్రమరాంబ మల్లికార్జున స్వామి ఆలయంలో ఫిబ్రవరి 8వ తేదీ నుంచి 18వ తేదీ వరకు 11 రోజుల పాటు అత్యంత వైభవంగా జరగనున్న మహా శివరాత్రి బ్రహ్మోత్సవాలకు అన్ని ఏర్పాట్లు చురుగ్గా కొనసాగుతున్నాయి. ఈ ప్రతిష్టాత్మక బ్రహ్మోత్సవాలకు విద్య, ఐటీ శాఖల మంత్రి నారా లోకేష్ను ఆహ్వానిస్తూ ఆలయ వర్గాలు ప్రత్యేకంగా ఆహ్వాన పత్రికను అందజేశాయి.
ఈ సందర్భంగా ఉండవల్లి నివాసంలో ఎమ్మెల్యే బుడ్డా రాజశేఖర్ రెడ్డి, శ్రీశైలం ఆలయ బోర్డు ఛైర్మన్ రమేష్ నాయుడు, ధర్మకర్తల మండలి సభ్యులు, ఆలయ అధికారులు మంత్రి నారా లోకేష్ను కలిసి బ్రహ్మోత్సవాల విశేషాలను వివరించారు. మహా శివరాత్రి సందర్భంగా జరిగే ప్రత్యేక పూజలు, అభిషేకాలు, వాహన సేవలు, రాత్రంతా సాగే జాగరణ కార్యక్రమాల గురించి ఆయనకు తెలియజేశారు.ఈ సందర్భంగా ఆలయ పండితులు మంత్రి నారా లోకేష్కు శాస్త్రోక్తంగా ప్రత్యేక ఆశీర్వచనాలు అందజేశారు. స్వామివారి చిత్రపటం, ప్రసాదాలను ఆయనకు అందించి మహా శివరాత్రి బ్రహ్మోత్సవాలకు ఆహ్వానించారు. ఆలయ సంప్రదాయాలు, భక్తుల విశ్వాసాలకు అనుగుణంగా ఉత్సవాలు నిర్వహించేందుకు అన్ని చర్యలు తీసుకుంటున్నట్లు ఆలయ వర్గాలు పేర్కొన్నారు.
అదేవిధంగా, మహానందిలో జరగనున్న మహా శివరాత్రి బ్రహ్మోత్సవాలకు కూడా మంత్రి నారా లోకేష్ను ఎమ్మెల్యే బుడ్డా రాజశేఖర్ రెడ్డి ఆహ్వానించారు. మహానంది క్షేత్రంలో శివరాత్రి సందర్భంగా జరిగే ప్రత్యేక పూజలు, అభిషేకాలు, ఉత్సవాల ప్రాధాన్యతను ఆయనకు వివరించారు.మహా శివరాత్రి బ్రహ్మోత్సవాల సందర్భంగా లక్షలాది భక్తులు శ్రీశైలం, మహానంది క్షేత్రాలకు తరలివచ్చే అవకాశం ఉన్నందున, భక్తులకు ఎలాంటి అసౌకర్యాలు కలగకుండా తాగునీరు, అన్నదానం, వసతి, వైద్య సేవలు, భద్రతా ఏర్పాట్లు పటిష్టంగా చేపడుతున్నట్లు అధికారులు తెలిపారు. ఈ బ్రహ్మోత్సవాలు భక్తులకు ఆధ్యాత్మిక శాంతి, దివ్యానుభూతిని కలిగిస్తాయని ఆలయ వర్గాలు ఆశాభావం వ్యక్తం చేశాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
