అమరావతిలో ముఖ్యమంత్రి నారా చంద్రబాబు నాయుడు ప్రజారోగ్యంపై కీలక నిర్ణయాలు తీసుకున్నారు. ‘స్వర్ణాంధ్ర పాపులేషన్ మేనేజ్మెంట్’ కార్యక్రమాన్ని ప్రతి నెల 4వ శనివారం నిర్వహించాలని సూచించారు. ఈ కార్యక్రమంలో భాగంగా గ్రామ సభలు, హెల్త్ క్యాంపులు, అవగాహన కార్యక్రమాలు నిర్వహించి ప్రజల్లో ఆరోగ్యంపై చైతన్యం పెంచాలని లక్ష్యంగా పెట్టుకున్నారు. సంజీవని ప్రాజెక్ట్ ఇప్పటికే చిత్తూరు జిల్లా, కుప్పం ప్రాంతాల్లో విజయవంతంగా అమలవుతుండగా, జూలై నాటికి రాష్ట్రవ్యాప్తంగా అమలు చేయాలని సీఎం ఆదేశించారు. వచ్చే ఏడాదిలో 56.40 లక్షల మందికి వైద్య పరీక్షలు నిర్వహించాలని లక్ష్యంగా నిర్ణయించారు. పరీక్షల ఫలితాలను 48 గంటల్లో వాట్సాప్ ద్వారా అందించే విధానాన్ని ప్రవేశపెడుతున్నారు.
ఇందుకోసం 904 మొబైల్ మెడికల్ యూనిట్లను ఏర్పాటు చేయాలని, దానికి రూ.162 కోట్ల వ్యయం అవుతుందని అధికారులు తెలిపారు. అలాగే వ్యక్తిగత హెల్త్ రికార్డులను డిజిటల్గా నిర్వహించాలన్నది ప్రభుత్వ ఉద్దేశం. భవిష్యత్లో వైద్య ఖర్చులు తగ్గించేందుకు ప్రివెంటివ్ హెల్త్పై దృష్టి పెట్టాలని సీఎం సూచించారు. యోగా, ప్రాణాయామం, పోషకాహారం వంటి ఆరోగ్యపరమైన అలవాట్లు పాటించాలని పిలుపునిచ్చారు.ఇక త్వరలో ‘ఏపీ హెల్త్ మేనేజ్మెంట్ పాలసీ’ను 5 ప్రధాన పిల్లర్లతో తీసుకురానున్నారు. అలాగే యూనివర్సల్ హెల్త్ పాలసీ అమలుకు బీమా సంస్థలతో చర్చలు కొనసాగుతున్నాయి. వైద్య సదుపాయాల విస్తరణ, ఖాళీల భర్తీ, నాణ్యమైన సేవలపై ప్రభుత్వం ప్రత్యేక దృష్టి సారిస్తోంది.
Andhra pradesh Andhrapradesh AndhraPradeshNews APNews APPolitics Breaking news BreakingNews Business BusinessNews ChandrababuNaidu CricketFans CricketNews Crime CrimeNews Geopolitics Government India IndiaNews LawAndOrder Movies Naralokesh News news24 newsalert NewsToday NewsUpdate PoliticalNews PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates SportsNews Telangana TelanganaNews TeluguCinema TeluguNews TrendingNow ViralNews WorldNews
