డ్రగ్స్ కేసుల్లో ఎంతటి ప్రముఖులైనా కఠిన చర్యలు తీసుకోవాలని సీఎం రేవంత్రెడ్డి స్పష్టం చేశారు. మహిళలు, చిన్నారులపై జరిగే అఘాయిత్యాల్లో ఎక్కువ శాతం మత్తుకు బానిసలైనవారే ఉంటున్నారని ఆయన ఆందోళన వ్యక్తం చేశారు. అందుకే డ్రగ్స్ మూలాలను పూర్తిగా నిర్మూలించాల్సిన అవసరం ఉందని పోలీసు అధికారులకు ఆదేశించారు.
మహిళల భద్రతను మరింత బలోపేతం చేయడానికి ‘స్పందన – ఆల్ ఉమెన్ ఫస్ట్ రెస్పాండర్ సిస్టమ్’ను హైదరాబాద్లో ప్రారంభించారు. ఈ బృందాలు 24 గంటలు అందుబాటులో ఉండి, అత్యవసర పరిస్థితుల్లో వెంటనే స్పందించేలా ఏర్పాటు చేశారు. ప్రతి బృందంలో మహిళా సిబ్బంది ఉండడం విశేషం.
ప్రభుత్వం ఇప్పటికే మహిళల భద్రత కోసం షీటీంలు, ‘స్టాండ్ విత్ హర్’ వంటి కార్యక్రమాలను అమలు చేస్తోందని సీఎం తెలిపారు. అదేవిధంగా స్వయం సహాయ సంఘాల మహిళలకు భారీగా రుణాలు, ఉచిత బస్సు ప్రయాణం, మహిళా స్టాళ్ల ఏర్పాటు వంటి పలు సంక్షేమ కార్యక్రమాలు చేపట్టినట్లు వివరించారు.
డ్రగ్స్ నియంత్రణలో భాగంగా ‘ఈగల్ ఫోర్స్’ను ఏర్పాటు చేసి కఠిన చర్యలు తీసుకుంటున్నామని తెలిపారు. పాఠశాల స్థాయి నుంచే విద్యార్థులకు డ్రగ్స్పై అవగాహన కల్పించాలని సూచించారు. సమాజంలో శాంతి భద్రతల కోసం పీస్ కమిటీలను కూడా ఈ ఉద్యమంలో భాగస్వామ్యం చేయాలని పిలుపునిచ్చారు.
మంత్రి సీతక్క మాట్లాడుతూ మహిళలు స్వేచ్ఛగా, ధైర్యంగా జీవించే వాతావరణాన్ని మరింత బలపరచాలని ప్రభుత్వం కట్టుబడి ఉందన్నారు. బాధితులకు వెంటనే సహాయం అందించడంలో స్పందన బృందాలు కీలకంగా ఉంటాయని తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
