అమెరికాలో స్థిరపడి ఉన్నత చదువులు కొనసాగించాలన్న ఓ తెలుగు యువకుడి కలలు రోడ్డు ప్రమాదంతో విషాదాంతమయ్యాయి. ఫ్లోరిడాలో జరిగిన ఘోర కారు ప్రమాదంలో నిజామాబాద్కు చెందిన 31 ఏళ్ల రాహుల్ దుర్మరణం చెందారు. ఉన్నత విద్యను అభ్యసిస్తూ భవిష్యత్తుపై ఎన్నో ఆశలు పెట్టుకున్న ఆయన ఆకస్మిక మృతితో కుటుంబంలో విషాదం నెలకొంది.
కుటుంబసభ్యులు తెలిపిన వివరాల ప్రకారం.. నిజామాబాద్లోని గూపన్పల్లిలో నివాసం ఉంటున్న పుట్టా హరిబాబు, నాగమణి దంపతుల కుమారుడు రాహుల్. నాలుగేళ్ల క్రితం ఉన్నత విద్య కోసం అమెరికాకు వెళ్లారు. ఫ్లోరిడాలో ఎంఎస్ పూర్తి చేసిన ఆయన.. ప్రస్తుతం పార్ట్టైమ్ ఉద్యోగం చేసుకుంటూ అక్కడే పీహెచ్డీ చేయాలని భావిస్తున్నారు.
ఈ క్రమంలో మంగళవారం రాహుల్ మరో ఇద్దరు స్నేహితులతో కలిసి కారులో వెళ్తుండగా ప్రమాదం జరిగింది. ఫ్లోరిడాలో అదుపుతప్పిన కారు రహదారి పక్కన ఉన్న చెట్టును బలంగా ఢీకొట్టింది. ఈ ప్రమాదంలో రాహుల్ తీవ్రంగా గాయపడి అక్కడికక్కడే మృతిచెందారు. కారులో ఉన్న మిగతా ఇద్దరు స్నేహితుల పరిస్థితి, వివరాలు తెలియాల్సి ఉంది.
ప్రమాదంపై సమాచారం అందుకున్న ఫ్లోరిడా పోలీసులు బుధవారం తెల్లవారుజామున రాహుల్ తల్లిదండ్రులకు సమాచారం అందించారు. కుమారుడి మరణవార్త విని తల్లిదండ్రులు కన్నీరుమున్నీరయ్యారు.
కుమారుడి మృతదేహాన్ని వీలైనంత త్వరగా స్వదేశానికి తీసుకురావడానికి సహకరించాలని రాహుల్ తల్లిదండ్రులు కేంద్ర, రాష్ట్ర ప్రభుత్వాలను వేడుకుంటున్నారు. ఉన్నత చదువులు పూర్తి చేసి మంచి భవిష్యత్తును నిర్మించుకోవాలని అమెరికా వెళ్లిన కుమారుడు విగతజీవిగా తిరిగి రావడంతో కుటుంబసభ్యులు తీవ్ర విషాదంలో మునిగిపోయారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
