విజయవాడ అంతర్జాతీయ విమానాశ్రయం నుంచి హైదరాబాద్కు ఫ్లై91 సంస్థ కొత్త విమాన సర్వీసును ప్రారంభించింది. కేంద్ర మంత్రి రామ్మోహన్ నాయుడు ఈ సేవలను వర్చువల్గా ప్రారంభించారు.ఉడాన్ పథకం కింద 2024లో ప్రారంభమైన ఫ్లై91 సంస్థ, తక్కువ ఖర్చుతో ప్రాంతీయ విమాన సేవలను అందిస్తూ వేగంగా ఎదుగుతోంది. దక్షిణాది రాష్ట్రాల్లో తన సేవలను విస్తరించుకుంటూ, ప్రయాణికులకు మెరుగైన కనెక్టివిటీని కల్పిస్తోంది.
ఈ నెల 17వ తేదీ నుంచి విజయవాడ-హైదరాబాద్ మార్గంలో రోజువారీ విమాన సర్వీసులు అందుబాటులోకి రానున్నాయి. ఉదయం 7:30 గంటలకు విజయవాడ నుంచి బయలుదేరే విమానం, 8:40 గంటలకు హైదరాబాద్ చేరుకోనుంది. అదనంగా మరో సర్వీస్ను కూడా ప్రారంభించేందుకు సంస్థ సిద్ధమవుతోంది.
ఈ సేవల ద్వారా వ్యాపారవేత్తలు, ఉద్యోగులు, విద్యార్థులు మరియు సాధారణ ప్రయాణికులకు ప్రయాణం మరింత సులభంగా మారనుంది. తక్కువ సమయంలో గమ్యస్థానానికి చేరుకునే వీలుతో పాటు, సౌకర్యవంతమైన ప్రయాణ అనుభవం అందించనుంది. ఈ కార్యక్రమంలో రాష్ట్ర మంత్రి కొల్లు రవీంద్ర, స్వచ్ఛాంధ్ర కార్పొరేషన్ చైర్మన్ కొమ్మారెడ్డి పట్టాభిరామ్ పాల్గొని ప్రయాణికులకు బోర్డింగ్ పాస్లు అందజేశారు.భవిష్యత్తులో ఫ్లై91 సంస్థ దుబాయ్, వారణాసి, కొచ్చి వంటి నగరాలకు కూడా విమాన సర్వీసులు ప్రారంభించేందుకు ప్రణాళికలు రూపొందిస్తోంది.
ఇక రాష్ట్రంలో విమానాశ్రయాల అభివృద్ధి పనులు కూడా వేగంగా కొనసాగుతున్నాయి. విజయవాడ, రాజమహేంద్రవరం, కడప విమానాశ్రయాల విస్తరణతో పాటు, విశాఖపట్నం సమీపంలోని భోగాపురం అంతర్జాతీయ విమానాశ్రయం పనులు చివరి దశకు చేరుకున్నాయి. జూన్ నాటికి నిర్మాణం పూర్తై, జులైలో ప్రారంభించేలా ప్రభుత్వం చర్యలు చేపడుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
