అల్పాహారం విషయంలో సమయానికి తినడం ఎంత ముఖ్యమో.. ఏం తింటున్నామనేదీ అంతే ముఖ్యం. ఉదయాన్నే కేవలం కడుపు నిండేలా తినడం కాకుండా.. రోజంతా శక్తి, ఏకాగ్రత ఉండేలా ఆహారాన్ని ఎంచుకోవాలి. ముఖ్యంగా అమ్మాయిలు అల్పాహారంలో ప్రొటీన్, ఫైబర్, ఆరోగ్యకరమైన కొవ్వులకు ప్రాధాన్యం ఇవ్వడం మంచిది.
బ్రెడ్, జామ్, బిస్కెట్లు, తియ్యటి సెరియల్స్ వంటివి సులభంగా లభిస్తాయి కాబట్టి తరచూ అల్పాహారంగా తీసుకుంటుంటారు. అయితే వీటినే ప్రతిరోజూ ప్రధాన ఆహారంగా తీసుకోవడం వల్ల అవసరమైన పోషకాలన్నీ అందకపోవచ్చు. మిల్లెట్స్ లేదా చక్కెర తక్కువగా ఉన్న పదార్థాలు ఎంచుకున్నప్పటికీ.. వాటితోపాటు ప్రొటీన్, పీచు ఉండే పదార్థాలను జోడించడం ముఖ్యం.
ఉదాహరణకు ఉప్మా తీసుకుంటే.. పల్లీలు, మొలకలు, కూరగాయలు కలుపుకోవచ్చు. ఇడ్లీ, దోశ వంటి అల్పాహారంతో పప్పు ఆధారిత చట్నీ లేదా సాంబార్ తీసుకుంటే ప్రొటీన్, పీచు కొంత మేర పెరుగుతాయి. బ్రెడ్ తింటే పనీర్, ఉడికించిన గుడ్డు లేదా కూరగాయలతో కలిపి తీసుకోవచ్చు. ఓట్స్కు పాలు లేదా పెరుగు, నట్స్, సీడ్స్, పండ్లను జోడిస్తే అల్పాహారం మరింత సమతుల్యంగా మారుతుంది.
పండ్లు, కూరగాయలు, పప్పులు, మొలకలు, నట్స్, సీడ్స్ వంటి వాటిని ఆహారంలో చేర్చుకోవడం వల్ల విభిన్న పోషకాలు, పీచు అందుతాయి. పాలు, పెరుగు, పనీర్, గుడ్లు వంటి వాటి ద్వారా ప్రొటీన్ తీసుకోవచ్చు. ఇలా ఒకేసారి ఆహారపు అలవాట్లను పూర్తిగా మార్చాల్సిన అవసరం లేదు. రోజువారీ అల్పాహారంలో ఒక్కో పదార్థాన్ని జోడిస్తూ చిన్న చిన్న మార్పులు చేసుకుంటేనే మంచి సమతుల్యం ఏర్పడుతుంది.
అల్పాహారం ఎక్కువగా తినడం కాదు.. సమతుల్యంగా తినడం ముఖ్యం. కార్బోహైడ్రేట్లతో పాటు ప్రొటీన్, ఫైబర్, ఆరోగ్యకరమైన కొవ్వులు ఉండేలా చూసుకుంటే ఉదయం తీసుకునే ఆహారం మరింత పోషకభరితంగా మారుతుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
