శ్రీవారి లడ్డూ ప్రసాదాల తయారీకి అవసరమైన నెయ్యి నిల్వలు సమృద్ధిగా ఉన్నాయని తిరుమల తిరుపతి దేవస్థానం (తితిదే) స్పష్టం చేసింది. ఇటీవల సామాజిక మాధ్యమాల్లో తితిదే వద్ద నెయ్యి కొరత ఉందని, అందువల్ల లడ్డూ తయారీలో అంతరాయం ఏర్పడుతోందని వస్తున్న వార్తలు పూర్తిగా అసత్యమని అధికారులు తెలిపారు.
లడ్డూ ప్రసాదాల తయారీకి అవసరమైన నెయ్యిని తితిదే ప్రత్యేక విధానంలో కొనుగోలు చేస్తోంది. ఒకే సంస్థపై ఆధారపడకుండా మూడు వేర్వేరు సంస్థల నుంచి నెయ్యి సరఫరా జరిగేలా ముందస్తు ఏర్పాట్లు చేసినట్లు తితిదే వెల్లడించింది. దీంతో లడ్డూ తయారీ ప్రక్రియ ఎలాంటి ఆటంకం లేకుండా కొనసాగుతోందని తెలిపింది.
ప్రస్తుతం భక్తులకు పంపిణీ చేయడానికి సుమారు 7 లక్షల శ్రీవారి లడ్డూ ప్రసాదాలు సిద్ధంగా ఉన్నాయని అధికారులు పేర్కొన్నారు. వేసవి సెలవులు ప్రారంభమవుతున్న నేపథ్యంలో తిరుమలలో భక్తుల రద్దీ పెరిగే అవకాశం ఉన్నందున ముందుగానే అవసరమైన ఏర్పాట్లు చేపడుతున్నట్లు తెలిపారు.తితిదే వద్ద నెయ్యి నిల్వలు లేవని, శ్రీవారి కైంకర్యాలు మరియు లడ్డూ ప్రసాదాల తయారీకి ఆటంకం కలుగుతోందని ప్రచారం జరుగుతున్న వార్తలను భక్తులు నమ్మవద్దని తితిదే విజ్ఞప్తి చేసింది. భక్తులకు ఎలాంటి ఇబ్బంది కలగకుండా అన్ని ఏర్పాట్లు సమృద్ధిగా ఉన్నాయని కూడా స్పష్టం చేసింది.
Andhra pradesh Andhrapradesh AndhraPradeshNews APNews APPolitics Breaking news BreakingNews BusinessNews Chandrababu naidu ChandrababuNaidu CricketNews CrimeNews Geopolitics Government HealthyLifestyle India IndiaNews LawAndOrder Movies Naralokesh News news24 newsalert NewsToday NewsUpdate NewsUpdates PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews SportsNews Tdp Telangana TelanganaNews TeluguCinema TeluguNews Tollywood Toofan TrendingNow WorldNews
