వేసవి కాలంలో శరీర ఉష్ణోగ్రతలు అధికంగా ఉండటంతో ఆహారపు అలవాట్లపై ప్రత్యేక శ్రద్ధ అవసరమని ఆరోగ్య నిపుణులు సూచిస్తున్నారు. ముఖ్యంగా పప్పుధాన్యాల ఎంపికలో జాగ్రత్తగా ఉండాలని చెబుతున్నారు. కొన్ని పప్పులు శరీరానికి చలవ చేసి వేడిని తగ్గిస్తే, మరికొన్ని శరీర ఉష్ణోగ్రతను పెంచే స్వభావం కలిగి ఉంటాయి. అందుకే వేసవిలో తేలికగా జీర్ణమయ్యే, శరీరానికి చల్లదనం ఇచ్చే పప్పులను ఆహారంలో చేర్చుకోవడం మంచిదని సూచిస్తున్నారు.
వేసవిలో తీసుకోవడానికి పెసరపప్పు అత్యుత్తమమైనదిగా భావిస్తారు. ఇది శరీరానికి చలవ చేయడమే కాకుండా తేలికగా జీర్ణమవుతుంది. శరీరానికి అవసరమైన ప్రోటీన్లను అందిస్తూ, వేడి ప్రభావాన్ని తగ్గించడంలో సహాయపడుతుంది. ఎండదెబ్బ, అలసట వంటి సమస్యల నుంచి ఉపశమనం పొందేందుకు పెసరపప్పుతో చేసిన కట్టు లేదా పల్చని పప్పుచారు తీసుకోవడం మంచిదని చెబుతున్నారు. అలాగే మసూర్ దాల్ లేదా ఎర్ర కందిపప్పులో ఐరన్, విటమిన్లు పుష్కలంగా ఉండటంతో వేసవిలో కలిగే నీరసం తగ్గించడంలో ఇది ఉపయోగపడుతుంది.
అయితే మినప్పప్పు, శనగపప్పు, కందిపప్పు వంటి కొన్ని పప్పులను వేసవిలో పరిమితంగా తీసుకోవాలని నిపుణులు హెచ్చరిస్తున్నారు. మినప్పప్పు జీర్ణం కావడానికి ఎక్కువ సమయం పడటంతో శరీరంలో వేడి పెరగవచ్చు. శనగపప్పు వల్ల గ్యాస్, కడుపు ఉబ్బరం సమస్యలు తలెత్తే అవకాశం ఉంది. కందిపప్పు నిత్యాహారంలో భాగమైనప్పటికీ, వేసవిలో దానిని పలుచగా పప్పుచారులా తీసుకోవడం ఉత్తమమని చెబుతున్నారు. సరైన పప్పులను ఎంపిక చేసుకోవడం ద్వారా వేసవిలో ఆరోగ్యాన్ని కాపాడుకోవచ్చని వైద్య నిపుణులు సూచిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndianCinema IndiaNews InternationalNews LatestNews LawAndOrder MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
