హైదరాబాద్ నుంచి కడపకు అతివేగంగా కారు నడిపిన ఓ యువకుడు మార్గమధ్యంలో బీభత్సం సృష్టించాడు. వైఎస్సార్ కడప జిల్లా పరిధిలోని నాలుగు ప్రాంతాల్లో వాహనాలను ఢీకొట్టిన ఈ ఘటనలో ఒకరు మృతి చెందగా, ఇద్దరు గాయపడ్డారు.పోలీసుల కథనం ప్రకారం, కడప అక్కాయపల్లెకు చెందిన ప్రశాంత్ గతంలో సాఫ్ట్వేర్ ఉద్యోగం చేసేవాడు. ప్రస్తుతం ఉద్యోగం లేకుండా ఉన్న అతను గురువారం ఉదయం హైదరాబాద్ నుంచి కడపకు కారులో బయలుదేరాడు. మార్గమధ్యంలో దువ్వూరు మండలం కానగూడూరు వద్ద తొలుత ఓ కారును ఢీకొట్టాడు.
తర్వాత మైదుకూరు సమీపంలోని శ్రీనగరం వద్ద మరో కారు, బైక్ను ఢీకొట్టడంతో ఇద్దరు వ్యక్తులు గాయపడ్డారు. అనంతరం కడపకు వెళ్తే పట్టుబడతానన్న భయంతో రూట్ మార్చి చాపాడు మండలం పల్లవోలు వైపు వెళ్లాడు. అక్కడ మరో బైక్ను ఢీకొట్టడంతో మైదుకూరుకు చెందిన వెల్లాల భైరవకొండయ్య (50) అక్కడికక్కడే మృతి చెందారు.సమాచారం అందుకున్న పోలీసులు ఘటన స్థలానికి చేరుకుని కారును స్వాధీనం చేసుకుని నిందితుడు ప్రశాంత్ను అదుపులోకి తీసుకున్నారు.ప్రాథమిక విచారణలో భార్య కాపురానికి రావడం లేదన్న మనస్తాపంతో అతను ఈ విధంగా ప్రవర్తించినట్లు తెలిసిందని పోలీసులు తెలిపారు. మరిన్ని ప్రమాదాలు చేశాడా అనే కోణంలో దర్యాప్తు కొనసాగుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
