కొలంబొ వేదికగా పాకిస్థాన్తో జరిగిన మ్యాచ్ తర్వాత భారత స్పిన్నర్ కులదీప్ యాదవ్ ఆగ్రహంగా కనిపించిన దృశ్యాలు సోషల్మీడియాలో వైరల్ అయ్యాయి. హార్దిక్ బౌలింగ్లో వచ్చిన సులభ క్యాచ్ను వదిలేయడంతో, కెప్టెన్ సూర్యకుమార్ యాదవ్ అసహనం వ్యక్తం చేసినట్లు కనిపించింది. మ్యాచ్ ముగిసిన తర్వాత ఆటగాళ్లు పరస్పరం అభినందనలు తెలుపుకొనే సమయంలో సూర్య చేయి కలపబోయగా, కుల్దీప్ విసురుగా వెళ్లిపోవడం అభిమానుల్లో చర్చకు దారి తీసింది.
వీడియోతో క్లారిటీ
అయితే ఈ ఘటనపై ఎలాంటి విభేదాలు లేవని సూర్య తాజాగా పంచుకున్న వీడియో స్పష్టం చేసింది. మ్యాచ్లో జరిగిన సన్నివేశాన్ని సరదాగా రీక్రియేట్ చేస్తూ కుల్దీప్తో కలిసి ఓ రీల్ చేశాడు. మైదానంలో జరిగినట్టే సూర్య కౌగిలించుకోబోతే, కుల్దీప్ సరదాగా దూరం వెళ్లిపోవడం నెటిజన్లను ఆకట్టుకుంది. ఈ వీడియోకు ‘కోపం తగ్గించుకో భాయ్’ అంటూ క్యాప్షన్ జోడించి సోషల్మీడియాలో షేర్ చేయడంతో ఇద్దరి మధ్య అన్నీ కుదిరిపోయాయని అభిమానులు ఊపిరి పీల్చుకున్నారు.
టీమ్స్పిరిట్కు నిదర్శనం
మైదానంలో వేడెక్కే భావోద్వేగాలు సహజమే. కానీ మ్యాచ్ ముగిసిన తర్వాత వాటిని పక్కనబెట్టి మళ్లీ ఒకటిగా నిలవడం జట్టుస్ఫూర్తికి నిదర్శనం. కుల్దీప్-సూర్యల సరదా రీల్ భారత జట్టులో సాన్నిహిత్యం బలంగా ఉందని చూపించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
