విశాఖ నగర పరిధిలోని గాజువాక శ్రీనగర్ వద్ద ఆర్టీసీ బస్సు–టిప్పర్ ఢీకొని జరిగిన ఘోర రోడ్డు ప్రమాదంలో ముగ్గురు ప్రయాణికులు మృతి చెందగా, మరో తొమ్మిది మంది గాయపడ్డారు. ఈ ఘటన తెల్లవారుజామున 4.10 గంటల సమయంలో చోటుచేసుకుంది.
పార్వతీపురం డిపోకు చెందిన సూపర్ లగ్జరీ బస్సు శనివారం రాత్రి రాజమహేంద్రవరం నుంచి సుమారు 35 మంది ప్రయాణికులతో పార్వతీపురం వైపు బయలుదేరింది. గాజువాక శ్రీనగర్ కూడలి వద్దకు చేరేసరికి రోడ్డు పక్కన బొగ్గు లోడుతో వెళ్తున్న టిప్పర్ టైర్ పంక్చర్ కావడంతో డివైడర్కు ఆనించి నిలిపి ఉంచారు.
ఈ సమయంలో నిద్రమత్తులో ఉన్న బస్సు డ్రైవర్ టిప్పర్ను గమనించకుండా వేగంగా వెనుక నుంచి ఢీకొట్టాడు. దాంతో బస్సు వెనుక భాగం పూర్తిగా ధ్వంసమైంది. డ్రైవర్ సీహెచ్ జిమ్మయ్య కేబిన్లో ఇరుక్కుపోయారు. వెనుక సీట్లో నిద్రిస్తున్న సహాయ డ్రైవర్ రాయపల్లి రాంబాబు (50), అలాగే ప్రయాణికులు లెంక ఈశ్వరమ్మ (55), ఆర్. రాధామాధవి (35) అక్కడికక్కడే మృతి చెందారు.
గాయపడిన డ్రైవర్ జిమ్మయ్యతో పాటు మరికొంత మంది ప్రయాణికులు శివసూర్య నాగేశ్వరరావు, ఎం. శ్రీనివాస్, కనకరాజు, కె. లలిత, తన్విత, నివేదిత, ప్రశాంతి, రామకృష్ణను ఆసుపత్రులకు తరలించారు. ప్రమాదం అనంతరం టిప్పర్ డ్రైవర్ పరారయ్యాడు.
ప్రాథమిక దర్యాప్తులో డ్రైవర్ నిద్రమత్తు, అతివేగం, అలాగే రోడ్డుపై సరైన హెచ్చరికలు లేకపోవడం ప్రమాదానికి కారణాలుగా తేలినట్లు పోలీసులు తెలిపారు. ప్రయాణ సమయంలో డ్రైవర్ నిద్ర వస్తోందని ప్రయాణికులు హెచ్చరించినా, ఆయన బస్సును కొనసాగించినట్లు సమాచారం.
మృతుల కుటుంబాలకు ప్రభుత్వం తరఫున రూ.5 లక్షల ఎక్స్గ్రేషియా ప్రకటించగా, ఘటనపై సమగ్ర విచారణకు ఆదేశాలు జారీ చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
