ఓటర్ల జాబితా ప్రత్యేక సమగ్ర సవరణ (సర్)పై తెలంగాణ కాంగ్రెస్ తీవ్ర అభ్యంతరం వ్యక్తం చేసింది. సర్ ముసాయిదా జాబితాను రాష్ట్ర ఎన్నికల సంఘం విడుదల చేసిన నేపథ్యంలో హైదరాబాద్లోని గాంధీభవన్లో టీపీసీసీ అధ్యక్షుడు మహేశ్కుమార్ గౌడ్ మీడియాతో మాట్లాడారు. ఈ సందర్భంగా ఎన్నికల సంఘం తీరుపై ఆయన తీవ్ర ఆరోపణలు చేశారు.
హైదరాబాద్లో సర్ ప్రక్రియ సందర్భంగా బూత్ స్థాయి అధికారులు (బీఎల్వోలు) ఇంటింటికీ వెళ్లలేదని మహేశ్కుమార్ గౌడ్ ఆరోపించారు. పేదలు, వలస కూలీల ఓట్లే ఎక్కువగా తొలగించారని విమర్శించారు. ఓటర్ల వివరాలను 2002 నాటి జాబితాతో ముడిపెట్టడంపైనా ఆయన అభ్యంతరం వ్యక్తం చేశారు.
డీలిమిటేషన్, పోలింగ్ కేంద్రాల మార్పు వంటి కారణాలతో 2002 నాటి ఓటర్ల జాబితాలోని వివరాలు ప్రస్తుతం పూర్తిగా సరిపోలడం లేదని పేర్కొన్నారు. 2002 నాటి జాబితా ఎంతమంది పౌరులకు అందుబాటులో ఉందని ప్రశ్నించారు. ప్రస్తుత అర్హులైన ఓటర్లను పాత జాబితాలతో ముడిపెట్టకుండా ఓటు హక్కు కల్పించాలని డిమాండ్ చేశారు.
రాష్ట్రంలో సుమారు 73 లక్షల ఓట్లను కారణం లేకుండా తొలగించారని, మొత్తంగా 92 లక్షల ఓట్లను ప్రశ్నార్థకం చేశారని మహేశ్కుమార్ గౌడ్ ఆరోపించారు. లక్షలాది మంది ఓటర్ల పేర్లపై అనిశ్చితి నెలకొల్పడం ప్రజాస్వామ్య ప్రక్రియకు విఘాతం కలిగిస్తుందని అన్నారు.
ఎన్నికల సంఘం స్వతంత్రంగా వ్యవహరించాల్సిన సంస్థ అని పేర్కొన్న ఆయన.. కేంద్ర ప్రభుత్వంపై కూడా విమర్శలు చేశారు. సీబీఐ, ఈడీ మాదిరిగానే ఎన్నికల సంఘాన్ని కూడా కేంద్రం తనకు అనుకూలంగా ఉపయోగించుకుంటోందని ఆరోపించారు. ఓటర్ల జాబితా సవరణలో అర్హులైన ప్రతి పౌరుడి ఓటు హక్కును కాపాడాల్సిన బాధ్యత ఎన్నికల సంఘంపై ఉందన్నారు.
సర్ ముసాయిదా జాబితాలో చోటుచేసుకున్న తొలగింపులు, మార్పులపై సమగ్ర పరిశీలన చేయాలని ఆయన డిమాండ్ చేశారు. అర్హులైన ఓటర్ల పేర్లు జాబితా నుంచి తొలగిపోకుండా చర్యలు తీసుకోవాలని కోరారు. ప్రజాస్వామ్యంలో ఓటు హక్కు అత్యంత కీలకమైనదని, ఆ హక్కును ఎలాంటి కారణం లేకుండా దూరం చేయడం సరికాదని మహేశ్కుమార్ గౌడ్ పేర్కొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
