మన్నికకు ప్రాధాన్యం ఇచ్చే వినియోగదారులను లక్ష్యంగా చేసుకుని వివో వై31టీ 5జీని తీసుకొచ్చింది. డ్రాప్ రెసిస్టెన్స్, నీరు-దుమ్ము నుంచి రక్షణ, భారీ బ్యాటరీ వంటి ఫీచర్లను ఇందులో అందించింది. SGS 5-Star Premium Performance Markతో పాటు ఓవరాల్ యూనిట్ డ్రాప్ రెసిస్టెన్స్ సర్టిఫికేషన్ ఉన్నట్లు కంపెనీ తెలిపింది. మిలిటరీ-గ్రేడ్ డ్రాప్ రెసిస్టెన్స్ కూడా ఉన్నట్లు పేర్కొంది.
IP68, IP69 రేటింగ్లతో రావడం ఈ ఫోన్కు మరో ప్రత్యేకత. వివో వివరాల ప్రకారం.. నిర్దిష్ట పరీక్షా పరిస్థితుల్లో 1.5 మీటర్ల లోతులో 30 నిమిషాల వరకు నీటిలో ఉన్నా పనిచేసేలా ఫోన్ను రూపొందించారు. అయితే నీటివల్ల కలిగే నష్టం వారంటీలో ఉండదని కంపెనీ స్పష్టం చేసింది.
బ్యాటరీ విషయంలోనూ భారీ సామర్థ్యాన్ని అందించింది. 7200mAh బ్యాటరీకి 44W ఫాస్ట్ ఛార్జింగ్ సదుపాయం ఉంది. కంపెనీ అంతర్గత పరీక్షల ప్రకారం.. ఒక్కసారి పూర్తిగా ఛార్జ్ చేస్తే 62 గంటల వరకు మ్యూజిక్, 32 గంటల వరకు వీడియో ప్లేబ్యాక్ అందించగలదని వివో చెబుతోంది.
6.75 అంగుళాల హెచ్డీ+ ఎల్సీడీ డిస్ప్లే, 120Hz రిఫ్రెష్ రేట్, 1250 నిట్స్ గరిష్ఠ బ్రైట్నెస్తో ఫోన్ వస్తోంది. క్వాల్కామ్ స్నాప్డ్రాగన్ 4 జెన్ 2 చిప్సెట్, LPDDR4X ర్యామ్, UFS 3.1 స్టోరేజ్ ఉన్నాయి. ఆండ్రాయిడ్ 16 ఆధారిత ఓరిజిన్ ఓఎస్ 6పై పనిచేస్తుంది.
కెమెరాల విషయానికి వస్తే.. వెనుక 50MP ప్రధాన కెమెరాతో పాటు 2MP బొకే కెమెరా ఉన్నాయి. సెల్ఫీలు, వీడియో కాల్స్ కోసం 8MP ఫ్రంట్ కెమెరాను అందించారు. ఫొటో, నైట్, పోర్ట్రెయిట్, వీడియో, స్లో-మో, టైమ్ల్యాప్స్, ప్రో, పనోరమా వంటి కెమెరా మోడ్లు ఉన్నాయి.
డ్యూయల్ స్టీరియో స్పీకర్లు, సైడ్-మౌంటెడ్ ఫింగర్ప్రింట్ సెన్సార్, డ్యూయల్ సిమ్, యూఎస్బీ టైప్-సీ పోర్ట్ వంటి ఫీచర్లు కూడా ఉన్నాయి. స్పీకర్ వాల్యూమ్ను సాధారణ స్థాయి కంటే 400 శాతం వరకు పెంచే మోడ్ అందించినట్లు వివో పేర్కొంది.
క్రిమ్సన్ రెడ్, సీషోర్ గ్రీన్, గోల్డెన్ మిస్ట్ రంగుల్లో ఈ ఫోన్ లభిస్తుంది. 4GB+128GB, 6GB+128GB, 6GB+256GB వేరియంట్లు ఉన్నాయి. ప్రస్తుతం అధికారిక ఈ-స్టోర్లో 6GB+128GB వేరియంట్ రూ.29,999గా ఉంది. ఎంపిక చేసిన బ్యాంక్ కార్డులతో కొనుగోలు చేస్తే రూ.1,500 వరకు ఇన్స్టంట్ క్యాష్బ్యాక్ లభిస్తుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
