గదిలోకి ఎందుకు వెళ్లామో మర్చిపోవడం.. మాట్లాడుతున్నప్పుడు సరైన పదాలు గుర్తుకు రాకపోవడం.. చేస్తున్న పనిపై దృష్టి పెట్టలేకపోవడం.. ఇలాంటి సమస్యలు తరచూ ఎదురైతే దాన్ని బ్రెయిన్ ఫాగ్ (Brain Fog) అంటారు. మెదడుపై ఏదో పొర కమ్ముకున్నట్లు అనిపించి, స్పష్టంగా ఆలోచించడం, నిర్ణయాలు తీసుకోవడం కష్టంగా మారుతుంది.
ఇది ప్రత్యేకమైన వ్యాధి కాదు. మన జీవనశైలి, శారీరక మరియు మానసిక పరిస్థితుల ప్రభావంతో వచ్చే ఒక లక్షణం. సరైన నిద్ర లేకపోవడం, అధిక ఒత్తిడి, శరీరంలో నీటి కొరత, పోషకాహార లోపం, వ్యాయామం లేకపోవడం వంటి కారణాల వల్ల బ్రెయిన్ ఫాగ్ వచ్చే అవకాశం ఉంటుంది. కొన్ని సందర్భాల్లో హార్మోన్ల మార్పులు, కొన్ని మందుల ప్రభావం లేదా అనారోగ్యం నుంచి కోలుకునే సమయంలో కూడా ఈ సమస్య కనిపించవచ్చు.
ప్రతిరోజూ సరైన సమయానికి నిద్రపోవడం, ఉదయం సమయానికి లేవడం అలవాటు చేసుకోవాలి. నిద్రకు ముందు ఎక్కువసేపు మొబైల్, ల్యాప్టాప్ ఉపయోగించడం తగ్గించాలి. మంచి నిద్ర మెదడు పనితీరును మెరుగుపరుస్తుంది.
శరీరంలో నీటి శాతం తగ్గితే అలసట, నీరసం పెరిగి మెదడు చురుకుదనం తగ్గుతుంది. రోజంతా కొద్దికొద్దిగా నీరు తాగుతూ శరీరాన్ని హైడ్రేట్గా ఉంచుకోవాలి.
ఎక్కువసేపు కూర్చుని పనిచేయడం వల్ల శరీరంతో పాటు మెదడు కూడా అలసిపోతుంది. నడక, యోగా, స్ట్రెచింగ్ లేదా తేలికపాటి వ్యాయామాలు చేయడం వల్ల రక్తప్రసరణ మెరుగై ఏకాగ్రత పెరుగుతుంది.
కేవలం ఆకలి తీర్చే ఆహారం కాకుండా మెదడుకు అవసరమైన పోషకాలు అందేలా ఆహారం తీసుకోవాలి. పండ్లు, కూరగాయలు, పప్పులు, తృణధాన్యాలు, ప్రొటీన్లు ఉన్న ఆహారాన్ని డైట్లో చేర్చుకోవాలి. అధికంగా ప్రాసెస్డ్ ఫుడ్ తీసుకోవడం తగ్గించాలి.
అధిక ఒత్తిడి వల్ల ఆలోచనా సామర్థ్యం, ఏకాగ్రత దెబ్బతింటాయి. ధ్యానం, దీర్ఘ శ్వాస వ్యాయామాలు, ఇష్టమైన పనులు చేయడం వంటి వాటితో మానసిక ప్రశాంతత పొందవచ్చు.
మల్టీటాస్కింగ్ వల్ల ఏ పనిపైనా పూర్తి దృష్టి పెట్టడం కష్టమవుతుంది. ఒక పని పూర్తయిన తర్వాత మరో పని మొదలుపెట్టడం మంచిది. ముఖ్యమైన పనులను గుర్తుంచుకోవడానికి టు-డూ లిస్ట్ రాసుకోవచ్చు.
ఎక్కువసేపు ఒకే పనిలో నిమగ్నమైతే మెదడు అలసిపోతుంది. ప్రతి కొంత సమయానికి చిన్న విరామం తీసుకుని కాస్త నడవడం లేదా స్క్రీన్కు దూరంగా ఉండటం వల్ల మళ్లీ ఉత్సాహంగా పనిచేయగలుగుతారు.
బ్రెయిన్ ఫాగ్ లక్షణాలు ఎక్కువ కాలం కొనసాగితే లేదా రోజువారీ పనులు, చదువు, ఉద్యోగంపై ప్రభావం చూపిస్తే నిర్లక్ష్యం చేయకూడదు. సమస్యకు అసలు కారణాన్ని తెలుసుకోవడానికి వైద్య నిపుణుల సలహా తీసుకోవడం మంచిది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
