ఎన్‌టీపీసీలో భారీ జీతంతో ఉద్యోగాలు..కెమికల్ ఇంజినీర్లకు అవకాశం..!!

దేశంలో ప్రముఖ ప్రభుత్వ విద్యుత్ సంస్థ ఎన్‌టీపీసీ (NTPC) కెమికల్ ఇంజినీరింగ్‌లో బీటెక్ పూర్తి చేసిన అభ్యర్థులకు మంచి ఉద్యోగావకాశాన్ని ప్రకటించింది. గ్రీన్ కెమికల్స్ విభాగంలో ఖాళీగా ఉన్న పోస్టులను భర్తీ చేయడానికి రిక్రూట్‌మెంట్ నోటిఫికేషన్ విడుదల చేసింది. ఎంపికైన అభ్యర్థులకు గరిష్టంగా నెలకు రూ.2,40,000 వరకు జీతం లభించే అవకాశం ఉంది.

ఈ నియామక ప్రక్రియలో భాగంగా మొత్తం 8 పోస్టులను భర్తీ చేయనున్నారు. ఇందులో మెథనాల్, యూరియా, అమోనియా, ఎథనాల్, సస్టైనబుల్ ఏవియేషన్ ఫ్యూయల్ (SAF), పెట్రోకెమికల్స్ వంటి ప్రాజెక్టులకు సంబంధించిన ఉద్యోగాలు ఉన్నాయి. ఆసక్తి ఉన్న అభ్యర్థులు careers.ntpc.co.in వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు. దరఖాస్తు చేసుకోవడానికి చివరి తేదీ మార్చి 16, 2026.

ఖాళీల వివరాలు

సీనియర్ మేనేజర్ – గ్రీన్ కెమికల్స్ (E6 గ్రేడ్):

మొత్తం పోస్టులు: 4

UR: 3, OBC: 1

జీతం: రూ.90,000 – రూ.2,40,000

ఇంజినీర్ – గ్రీన్ కెమికల్స్ (E2 గ్రేడ్):

మొత్తం పోస్టులు: 4

OBC: 4

జీతం: రూ.50,000 – రూ.1,60,000

అర్హతలు

సీనియర్ మేనేజర్ పోస్టుకు:

BE / BTech (Chemical Engineering)లో కనీసం 60% మార్కులు

కనీసం 15 సంవత్సరాల అనుభవం

మెథనాల్, యూరియా, అమోనియా, ఎథనాల్, SAF లేదా పెట్రోకెమికల్ ప్లాంట్లలో కమిషనింగ్ / ఆపరేషన్ అనుభవం

గరిష్ట వయస్సు: 47 సంవత్సరాలు

ఇంజినీర్ పోస్టుకు:

BE / BTech (Chemical Engineering)లో కనీసం 60% మార్కులు

కనీసం 4 సంవత్సరాల అనుభవం

కెమికల్, రిఫైనరీ లేదా పెట్రోకెమికల్ ప్లాంట్లలో పని చేసిన అనుభవం

DCS లేదా కంట్రోల్ డెస్క్ ఆపరేషన్ అనుభవం ఉంటే అదనపు ప్రయోజనం

గరిష్ట వయస్సు: 32 సంవత్సరాలు

మంచి కెరీర్ అవకాశం

ప్రభుత్వ రంగంలో స్థిరమైన ఉద్యోగంతో పాటు ఆకర్షణీయమైన జీతం కోరుకునే కెమికల్ ఇంజినీర్లకు ఇది మంచి అవకాశం అని నిపుణులు చెబుతున్నారు. గ్రీన్ ఎనర్జీ, కెమికల్ ప్రాజెక్టులపై దృష్టి పెట్టిన ఎన్‌టీపీసీ భవిష్యత్తులో మరిన్ని ఉద్యోగ అవకాశాలను కూడా కల్పించే అవకాశం ఉంది.