ఆయుర్వేదం, ఎఫ్ఎమ్సీజీ ఉత్పత్తులతో గుర్తింపు పొందిన పతంజలి ఆయుర్వేద్ ఇప్పుడు బీమా రంగంలోకి అడుగుపెట్టేందుకు సిద్ధమవుతోంది. మ్యాగ్మా జనరల్ ఇన్సూరెన్స్లో మెజార్టీ వాటాను కొనుగోలు చేసేందుకు పతంజలి, డీఎస్ గ్రూప్ ముందుకు వచ్చాయి. ఈ డీల్కు భారత బీమా నియంత్రణ, అభివృద్ధి ప్రాధికారిక సంస్థ (ఐఆర్డీఏఐ) అనుమతులు లభించినట్లు సమాచారం.
సుమారు రూ.4,500 కోట్ల విలువైన ఈ లావాదేవీ పూర్తయితే మ్యాగ్మా జనరల్ ఇన్సూరెన్స్లో పతంజలికి 73.6% వాటా, డీఎస్ గ్రూప్కు 24.5% వాటా ఉండనుంది. అదార్ పూనావాలాకు చెందిన సనోటి ప్రాపర్టీస్, ఇతర వాటాదార్ల నుంచి ఈ వాటాలను కొనుగోలు చేయనున్నట్లు తెలుస్తోంది.
మ్యాగ్మా జనరల్ ఇన్సూరెన్స్ గత కొన్నేళ్లుగా వ్యాపార పరంగా గణనీయమైన వృద్ధిని నమోదు చేసింది. 2020-21 నుంచి 2024-25 మధ్య సంస్థ స్థూల ప్రత్యక్ష ప్రీమియం 22% వార్షిక వృద్ధితో రూ.3,334 కోట్లకు చేరింది. 2024-25లో రూ.1 కోటి లాభాన్ని నమోదు చేసి బ్రేక్ఈవెన్ సాధించింది. 2025-26 తొలి తొమ్మిది నెలల్లోనూ రూ.27 కోట్ల నికర లాభాన్ని ఆర్జించింది. ఈ కొనుగోలుతో పతంజలి తన వ్యాపార కార్యకలాపాలను ఆర్థిక సేవల రంగానికి విస్తరించనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
