స్టాక్ మార్కెట్లు వరుసగా మూడో రోజు లాభాల్లో ముగిశాయి. ఐటీ షేర్లలో భారీ కొనుగోళ్లు మార్కెట్కు మద్దతుగా నిలిచాయి. అమెరికా ఉద్యోగ గణాంకాలు అంచనాల కంటే తక్కువగా నమోదవడంతో, సమీప భవిష్యత్తులో అక్కడి కేంద్ర బ్యాంక్ వడ్డీ రేట్లు పెంచకపోవచ్చన్న అంచనాలు ఇన్వెస్టర్ల సెంటిమెంట్ను బలపరిచాయి.
రూపాయి విలువ డాలరుతో పోలిస్తే 17 పైసలు బలపడి 95.18 వద్ద ముగిసింది. అంతర్జాతీయ మార్కెట్లో బ్రెంట్ ముడి చమురు ధర స్వల్పంగా 0.14 శాతం పెరిగి బ్యారెల్కు 71.94 డాలర్ల వద్ద ట్రేడవుతోంది. ఆసియా మార్కెట్లు లాభాల్లో ముగియగా, యూరప్ మార్కెట్లు సానుకూల ధోరణితో ప్రారంభమయ్యాయి.
బీఎస్ఈలో నమోదైన కంపెనీల మార్కెట్ విలువ రూ.39,000 కోట్లు పెరిగి మొత్తం రూ.480.19 లక్షల కోట్లకు చేరింది.
ఉదయం సెన్సెక్స్ 78,152.34 పాయింట్ల వద్ద లాభాలతో ప్రారంభమైంది. తర్వాత ఒడుదొడుకుల మధ్య కదలాడిన సూచీ, మధ్యాహ్నం తర్వాత లాభాలను కొంత కోల్పోయింది. అయినప్పటికీ చివరికి 261.79 పాయింట్ల లాభంతో 77,763.91 పాయింట్ల వద్ద ముగిసింది. నిఫ్టీ 95.15 పాయింట్లు పెరిగి 24,270.85 పాయింట్ల వద్ద స్థిరపడింది. వారం మొత్తం మీద సెన్సెక్స్ 663 పాయింట్లు, నిఫ్టీ 215 పాయింట్లు లాభపడ్డాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndianCinema IndiaNews InternationalNews LatestNews LawAndOrder MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
