ఎన్నో ఏళ్లుగా ఎదురుచూస్తున్న ఉత్తరాంధ్ర ప్రజల కల సాకారమైంది. పోలవరం ఎడమ ప్రధాన కాలువ ద్వారా గోదావరి జలాలను ఉత్తరాంధ్ర ప్రాంతానికి తరలించే ప్రక్రియకు శ్రీకారం చుట్టారు. అనకాపల్లి జిల్లా పాయకరావుపేట మండలం పీఎల్ పురం వద్ద ముఖ్యమంత్రి చంద్రబాబు ఈ కార్యక్రమాన్ని ప్రారంభించారు.
తొలుత పోలవరం ఎడమ ప్రధాన కాలువ శిలాఫలకాన్ని సీఎం చంద్రబాబు ఆవిష్కరించారు. అనంతరం ఓపెన్ టాప్ జీపులో ప్రజలకు అభివాదం చేస్తూ కాలువ వద్దకు చేరుకున్నారు. అక్కడ గోదారమ్మకు జలహారతి ఇచ్చి ప్రత్యేక పూజలు నిర్వహించారు. అనంతరం రెగ్యులేటర్ను ఆన్ చేసి గోదావరి జలాలను ఉత్తరాంధ్ర వైపు విడుదల చేశారు.
గోదావరి జలాలు ఉత్తరాంధ్ర ప్రాంతానికి చేరడం ద్వారా సాగునీటి అవసరాలకు మరింత భరోసా కలగనుంది. పోలవరం ప్రాజెక్టులో కీలకమైన ఎడమ కాలువ ద్వారా నీటిని తరలించడంతో ఉత్తరాంధ్రలోని పలు ప్రాంతాలకు ప్రయోజనం కలగనుంది. సాగునీటి లభ్యత పెరగడంతో వ్యవసాయ రంగానికి ఊతం లభిస్తుందని అధికారులు, ప్రజాప్రతినిధులు పేర్కొంటున్నారు.
ఈ సందర్భంగా కార్యక్రమానికి పెద్ద సంఖ్యలో ప్రజలు తరలివచ్చారు. గోదావరి జలాలకు ఘన స్వాగతం పలికారు. తమ ప్రాంతానికి గోదావరి నీరు చేరడంతో ప్రజలు హర్షం వ్యక్తం చేశారు.
ఈ కార్యక్రమంలో మంత్రులు నిమ్మల రామానాయుడు, అనిత, అచ్చెన్నాయుడు, ఎంపీ సి.ఎం. రమేశ్, ఇతర ప్రజాప్రతినిధులు, అధికారులు పాల్గొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
