మధ్యప్రదేశ్లో జరగనున్న రాజ్యసభ ఎన్నికల నేపథ్యంలో కాంగ్రెస్ పార్టీకి గట్టి ఎదురుదెబ్బ తగిలింది. తెలంగాణ కాంగ్రెస్ వ్యవహారాల ఇన్ఛార్జి మీనాక్షి నటరాజన్ రాజ్యసభ సభ్యత్వానికి దాఖలు చేసిన నామినేషన్ను రిటర్నింగ్ అధికారి తిరస్కరించడం రాజకీయ వర్గాల్లో చర్చనీయాంశంగా మారింది.
తనపై నమోదైన ఒక కేసుకు సంబంధించిన వివరాలను నామినేషన్ అఫిడవిట్లో వెల్లడించలేదనే అభ్యంతరాల నేపథ్యంలో ఈ నిర్ణయం తీసుకున్నట్లు ఎన్నికల అధికారులు వెల్లడించారు. రాజ్యసభ మూడో స్థానానికి పోటీ చేస్తున్న బీజేపీ అభ్యర్థి మహేశ్ కేవత్ తరఫున ఫిర్యాదు అందిన తర్వాత నామినేషన్ పత్రాలను పరిశీలించిన అధికారులు ఈ నిర్ణయం తీసుకున్నారు.
బీజేపీ తరఫు న్యాయవాదులు మాట్లాడుతూ, తెలంగాణలో పెండింగ్లో ఉన్న ఒక కేసు వివరాలను మీనాక్షి అఫిడవిట్లో ప్రస్తావించలేదని, సుప్రీంకోర్టు మార్గదర్శకాల ప్రకారం అభ్యర్థులు తమపై ఉన్న న్యాయపరమైన వ్యవహారాలన్నింటినీ వెల్లడించడం తప్పనిసరి అని పేర్కొన్నారు. అదనంగా నామినేషన్ పత్రాల్లో మరికొన్ని సాంకేతిక లోపాలు కూడా ఉన్నాయని ఆరోపించారు.
అయితే ఈ నిర్ణయంపై కాంగ్రెస్ తీవ్ర అభ్యంతరం వ్యక్తం చేసింది. సీనియర్ న్యాయవాది, రాజ్యసభ సభ్యుడు వివేక్ టంఖా మాట్లాడుతూ, మీనాక్షిపై ఎలాంటి క్రిమినల్ కేసు నమోదు కాలేదని స్పష్టం చేశారు. ఆమెకు సంబంధించినది కేవలం ఒక షోకాజ్ నోటీసు మాత్రమేనని, అది కూడా నేరుగా ఆమెపై నమోదు చేసిన కేసు కాదని వివరించారు. ప్రకటించాల్సిన ఎలాంటి సమాచారాన్ని ఆమె దాచిపెట్టలేదని, ఇది ప్రజాస్వామ్యానికి విరుద్ధమైన చర్య అని ఆరోపించారు.
ఈ వ్యవహారాన్ని కాంగ్రెస్ “సీటు దోపిడీ”గా అభివర్ణిస్తూ, నామినేషన్ తిరస్కరణ అంశంపై ఎన్నికల సంఘాన్ని ఆశ్రయించేందుకు సిద్ధమైంది. కాంగ్రెస్ ప్రతినిధుల బృందం ఈ అంశంపై దిల్లీలో ఎన్నికల సంఘం అధికారులతో భేటీ కానున్నట్లు సమాచారం.
భాజపాకు కలిసొచ్చిన పరిణామమా?
ఈ నెల 18న జరగనున్న రాజ్యసభ ఎన్నికల్లో మూడు స్థానాలకు ఎన్నికలు జరగనున్నాయి. అసెంబ్లీలో ఉన్న సంఖ్యాబలం ప్రకారం రెండు స్థానాలు బీజేపీకి, ఒక స్థానం కాంగ్రెస్కు దక్కే అవకాశం ఉంది. మధ్యప్రదేశ్ అసెంబ్లీలో మొత్తం 228 మంది ఎమ్మెల్యేలు ఉండగా, బీజేపీకి 164 మంది, కాంగ్రెస్కు 62 మంది సభ్యుల బలం ఉంది.
రాజ్యసభ ఎన్నికల్లో గెలవాలంటే అభ్యర్థికి కనీసం 58 ఓట్లు అవసరం. ఈ లెక్కన కాంగ్రెస్కు ఒక సీటు ఖాయం అన్న అభిప్రాయం ఉండేది. అయితే మీనాక్షి నామినేషన్ తిరస్కరణతో రాజకీయ సమీకరణాలు మారిపోయాయి. దీంతో బీజేపీ మూడో అభ్యర్థి మహేశ్ కేవత్ విజయావకాశాలు గణనీయంగా పెరిగినట్లు రాజకీయ విశ్లేషకులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
