రాష్ట్రంలో ఉన్న అపార ఖనిజ సంపదను విలువైన పారిశ్రామిక ఉత్పత్తులుగా మార్చే దిశగా ఆంధ్రప్రదేశ్ ప్రభుత్వం కీలక అడుగులు వేస్తోంది. రష్యా పర్యటనలో ఉన్న మంత్రి నారా లోకేశ్, రష్యాకు చెందిన ప్రముఖ రేర్ ఎర్త్ మినరల్స్ సంస్థ గిరెడ్మెట్ ఇన్స్టిట్యూట్ ప్రతినిధులతో మాస్కోలో సమావేశమై రాష్ట్రంలో భారీ పెట్టుబడుల అవకాశాలపై చర్చించారు.
విశాఖపట్నం, శ్రీకాకుళం జిల్లాల్లో లభ్యమవుతున్న ఖనిజ వనరులను ఆధారంగా చేసుకుని డీప్ ప్రాసెసింగ్, రేర్ ఎర్త్ ఎలిమెంట్ రిఫైనింగ్ హబ్ ఏర్పాటు చేసే అవకాశాలను పరిశీలించాలని లోకేశ్ కోరారు. ప్రపంచవ్యాప్తంగా ఎలక్ట్రిక్ వాహనాలు, పవన విద్యుత్ రంగాల విస్తరణ నేపథ్యంలో రేర్ ఎర్త్ ఎలిమెంట్లకు డిమాండ్ పెరుగుతున్న తరుణంలో ఈ ప్రాజెక్టు రాష్ట్ర పారిశ్రామికాభివృద్ధికి కొత్త దారులు తెరవనుంది.
నెల్లూరులో ఫుల్ సైకిల్ రేర్ ఎర్త్ శాశ్వత అయస్కాంతాల తయారీ కోసం నియోడైమియం మ్యాగ్నెట్ ఉత్పత్తి కేంద్రం ఏర్పాటు చేయడంలో భాగస్వామ్యం కావాలని కూడా గిరెడ్మెట్ సంస్థను మంత్రి ఆహ్వానించారు. ఈ ప్రాజెక్టు ద్వారా భారతదేశంలో ఈవీ, హైటెక్ తయారీ రంగాలకు అవసరమైన కీలక ముడి పదార్థాల ఉత్పత్తికి ఊతం లభించనుంది.
అదేవిధంగా భారత్ టెక్ కారిడార్లో సిద్ధంగా ఉన్న ప్లగ్ అండ్ ప్లే సదుపాయాలను వినియోగించుకుని మెటలర్జీ, అల్ట్రా ప్యూర్ సెమీకండక్టర్, ఎలక్ట్రానిక్ మెటీరియల్స్ పరిశోధన ప్రయోగశాలల ఏర్పాటుపై కూడా చర్చించారు. పారిశ్రామిక వ్యర్థాలు, మైనింగ్ టెయిలింగ్స్ నుంచి అరుదైన లోహాలను వెలికితీసే ఆధునిక సాంకేతికతను రాష్ట్రానికి తీసుకురావాలని లోకేశ్ సూచించారు.
మాస్కో పర్యటనలో భాగంగా ప్రపంచంలోనే ప్రముఖ అణుశక్తి ప్రదర్శన కేంద్రాల్లో ఒకటైన అటామిక్ ఎనర్జీ మ్యూజియాన్ని కూడా లోకేశ్ సందర్శించారు. అణుశక్తి చరిత్ర, శాంతియుత వినియోగాలు, భవిష్యత్ శాస్త్రీయ ఆవిష్కరణలను ప్రతిబింబించే ఈ మ్యూజియం ప్రపంచవ్యాప్తంగా సందర్శకులను ఆకర్షిస్తోంది.
రష్యా పర్యటన ద్వారా హైటెక్ తయారీ, ఖనిజ వనరుల విలువవృద్ధి, సెమీకండక్టర్ పరిశ్రమలు, గ్రీన్ ఎనర్జీ రంగాల్లో ఆంధ్రప్రదేశ్ను గ్లోబల్ ఇన్వెస్ట్మెంట్ గమ్యస్థానంగా తీర్చిదిద్దేందుకు ప్రభుత్వం ప్రయత్నాలు వేగవంతం చేస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
