వికారాబాద్ జిల్లా మర్పల్లి మండలం భూచన్పల్లికి చెందిన తాజుద్దీన్ (55) కొంతకాలంగా జహీరాబాద్లోని భరత్నగర్లో నివాసం ఉంటూ కూలీ పనులు చేసుకుంటూ జీవనం సాగిస్తున్నారు. తాజుద్దీన్ పేరిట తన స్వగ్రామంలో నాలుగు ఎకరాల వ్యవసాయ భూమి ఉంది. ఈ భూమిని అమ్మేయాలని కుమారుడు ఖాజా, భార్య బీపాషా, మృతుడి సోదరి (మేనత్త) రిజ్వానా బేగం కొంతకాలంగా తాజుద్దీన్పై ఒత్తిడి తెస్తున్నారు. దీనికి ఆయన నిరాకరించడంతో కుటుంబంలో తరచూ గొడవలు జరుగుతున్నాయి.
పథకం ప్రకారం దాడి: బుధవారం ఇదే విషయంపై మరోసారి వాగ్వాదం జరగడంతో, కుమారుడు ఖాజా తండ్రిపై దాడికి తెగబడ్డాడు. తాజుద్దీన్ ప్రతిఘటించడంతో, పథకం ప్రకారం తన తల్లి, మేనత్త సహకారంతో తండ్రి కళ్లలో కారం చల్లాడు. కళ్లు కనపడక తాజుద్దీన్ విలవిలలాడుతుండగా, ఖాజా ఇనుప రాడ్డు, కర్రలతో విచక్షణారహితంగా దాడి చేశాడు. తలకు, ఒంటికి తీవ్ర గాయాలు కావడంతో తాజుద్దీన్ రక్తపు మడుగులో అక్కడికక్కడే ప్రాణాలు వదిలారు.
పోలీసుల దర్యాప్తు: ఘటన గురించి సమాచారం అందుకున్న జహీరాబాద్ సీఐ శివలింగం తన బృందంతో కలిసి సంఘటనా స్థలానికి చేరుకున్నారు. మృతదేహాన్ని పరిశీలించి, క్లూస్ టీమ్ ద్వారా ఆధారాలు సేకరించారు. కన్నతండ్రిని హత్య చేసిన కుమారుడు ఖాజాతో పాటు, అతడికి సహకరించిన మృతుడి భార్య, సోదరిని పోలీసులు అదుపులోకి తీసుకుని విచారిస్తున్నారు. ఆస్తి వ్యామోహంతో కన్నవారినే కడతేర్చడం జహీరాబాద్ పట్టణంలో చర్చనీయాంశంగా మారింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
